To ord

Monografien passer godt for ein forskar, då kan ein skrive opp og ned i mente om det ein forskar på. Artikkelformatet er også greit, her har ein òg bra med plass til å byggje opp eit argument, presentere kvifor ein studerar det ein studerar, korleis ein studerar det og kva for resultat ein kome fram til. Til sist kan ein konkludere og dra dei større linjene. Forskningskommunikasjon via Twitter derimot er ei anna greie - 140 teikn - er du galen!! Journalistane vel kvasinorsk framfor heilnorske termar! Dagens Næringsliv forvirrar med rotete språkbruk Norske økonomar elskar anglisimar meir enn sitt eige språk Det kunne eg ha twitra eller kvitra for å fått fram forskinga mi betre kanskje, eller blir det litt vel tabloid? Og så er det der med "followers" då, å skaffe seg følgjarar. Det ligg ikkje heilt for meg, eg som ikkje ein gong tør å spørje om å bli ven på facebook (I know, facebook er ut, ja ja...) No stikk eg iallefall straks på vaffeldrøs på NHH for å lære meir...

Eller eigentleg er det jonsokafta som er i dag 23. juni, medan sjølve Jonsok, eller sankthans er i morgon. Men me har alltid markert kvelden før og aldri den 24. juni. Namnet Jonsok har norrønt opphav - jónsvaka - frå Jon som er ei forkorting av Johannes (på engelsk heiter Jonsokafta St. John's Eve ). Der eg bur no snakkar dei mest om St. Hans (Sankt Johannes dag), men det blir heilt feil for meg å seie. Eg seier Jonsok. Andre namn er jonsvaka eller jonsmesse - høg grad av synonymi og rom for lokale variantar her altså. Katolikkane har minnedag 24. juni etter Johannes Døyparen. For meg er derimot ikkje Jonsok nokon religiøs merkedag, og i Noreg blei datoen avskaffa som heilagdag allereie i 1770 ved festdagsreduksjonen. Typisk feirar me no med gode naboar kor me møtest med grillmat og godsaker i kjølebagen for å brenna bål - om veret tillet det. I år spøkjer det med bålet sidan det er så mykje vind. Og slik har det vore mange gongar. Då me feira på Jonsokhaugen, høgaste toppe...